1936 წლის 1 მარტს მახარაძის რაისაბჭოს აღმასკომთან დაარსდა საარქივო ბიურო, რომელიც 1938 წლის დეკემბრიდან რაიონულ სახელმწიფო არქივად გადაკეთდა.
1965 წელს მახარაძის რაიონული სახელმწიფო არქივი გადაკეთდა საქართველოს სსრ ქუთაისის ცენტრალური სახელმწიფო არქივის მახარაძის ფილიალად.
1973 წელს ფილიალთან შეიქმნა დოკუმენტური მასალების სამეცნიერო-ტექნიკური დამუშავების ჯგუფი. მახარაძის ფილიალს ექვემდებარებოდა ლანჩხუთისა და ჩოხატაურის რაიონული საარქივო განყოფილებები. ამ სახელწოდებით არქივი ფუნქციონირებდა 1990 წლამდე.
1990-2003 წლებში ფუნქციონირებდა როგორც ოზურგეთის რაიონული არქივი, 2004-2017 წლებში -ოზურგეთის რეგიონული არქივი, ხოლო 2018 წლიდან დღემდე - გურიის რეგიონული არქივი.
ფონდსაცავი დღეისათვის ოზურგეთის, ლანჩხუთის, ჩოხატაურის რაიონების მუდმივი და პირადი ხასიათის 907 ფონდის 232834 შესანახ ერთეულს ითვლის.
გურიის არქივი გამოირჩევა მრავალფეროვანი და საინტერესო ფონდების სიუხვით. ესენია: ოზურგეთის სამაზრო რევკომისა და სამაზრო აღმასკომის დოკუმენტები, სასოფლო საბჭოების, სახალხო განათლების, ჯანმრთელობის დაცვის, კოლმეურნეობების და სხვ.
ასევე არქივში დაცულია ფოტოალბომები და პირადი წარმოშობის ფონდები.
თითოეული ფონდი ყურადღებას იპყრობს თავისი მრავალფეროვნებით , წარმოადგენს ისტორიულ ფასეულობას და გახლავთ ოზურგეთის ისტორიის ცოცხალი, მეტყველი მატიანე.
მისამართი: ქ. ოზურგეთი, ი. ჭავჭავაძის ქუჩა N 15
ტელ: 0496 27 53 97; 591 810246
ელ. ფოსტა: ijakeli@archives.gov.ge
