ხელოვნების სასახლის ქართული ხალხური სიმღერისა და საკრავების მუზეუმი

ყველას ნახვა

ხელოვნების სასახლის ქართული ხალხური სიმღერისა და საკრვების მუზეუმი ეროვნული კულტურის მნიშვნელოვანი ძეგლია. მუზეუმის დაარსება უკავშირდება ცნობილი თბილისელი კოლექციონერის, არკადი რევაზიშვილის სახელს, რომლის კოლექციის ბაზაზეც 1975 წელს დაარსდა მუზეუმი. თავდაპირველად ის თეატრის, კინოს, მუსიკისა და ქორეოგრაფიის სახელმწიფო მუზეუმის სტრუქტურულ ერთეულს შეადგენდა; 1984 წლიდან დამოუკიდებელი იურიდიულ ერთეულად - ხალხურ საკრავთა მუზეუმად ჩამოყალიბდა. 2006 წლიდან მუზეუმს ქართული ხალხური სიმღერისა და საკრავების სახელმწიფო მუზეუმი ეწოდა. 2019 წლიდან კი მუზეუმი მიუერთდა საქართველოს ხელოვნების სასახლეს, და დღემდე მის ერთ-ერთ სტრუქტურულ ერთეულს წარმოადგენს.

მუზეუმის ფონდებში დაცულია ძველი ფოლკლორული ჩანაწერები, ფოტო და ფონომასალები, ქართული ხალხური, აღმოსავლური და ევროპული კლასიკური და მექანიკური საკრავების კოლექციები. მუზეუმის მიზანია სხვადასხვა დროის მატერიალური და არამატერიალური კულტურის ძეგლების _ სიმღერებისა და საკრავების ექსპონირება, დაცვა, მათი სისტემატიზაცია და ახალი ფონდებით ექსპონატების გამდიდრება. ამჟამად მუზეუმის მუდმივი საექსპოზიციო სივრცე სამ დარბაზს მოიცავს, სადაც თემატურადაა განლაგებული ქართული, აღმოსავლური და ევროპული მუსიკალური საკრავები.

მისამართი: სამღებროს ქ. 6 თბილისი, საქართველო

ტელეფონი: 245 77 21

ელ. ფოსტა - muzeumi1984@gmail.com