ქართული პროფესიული ვოკალური ხელოვნების ერთ-ერთი ფუძემდებლის, გამოჩენილი საოპერო მომღერლის, ,,საქართველოს ბულბულად" წოდებულის ვანო სარაჯიშვილის მემორიალური მუზეუმი ეროვნული კულტურის მნიშვნელოვანი ძეგლია.
მუზეუმის დაარსება უკავშირდება მომღერლის ძმისშვილს - დავით სარაჯიშვილს.
ვანო სარაჯიშვილის მემორიალური მუზეუმი დაარსდა 1988 წელს, ქალაქ სიღნაღში. მუზეუმში ინახება ვ. სარაჯიშვილის პირადი ნივთები და სხვა დოკუმენტური მასალები.
2019 წლიდან მუზეუმი განახლებული ექსპოზიციით განთავსდა ვანო სარაჯიშვილის ძეგლთან მდებარე რეაბილიტირებულ შენობაში.
ექსპოზიცია განთავსებულია 4 საგამოფენო დარბაზში. მუზეუმის ფონდებში დაცულია ძველი ფოლკლორული ჩანაწერები, ფოტო და ფოტო-ნეგატივები, ნოტები, ქართული ხალხური, აღმოსავლური და მექანიკური საკრავები, ვანო სარაჯიშვილუს უნიკალური ხმა, ფილმი,,მამის მკვლელი" და დოკომენტურ მასალაზე გადაღებული ფილმი - „ტკბილ ჰანგთა მეფე".
მუზეუმის მიზანია სხვადასხვა დროის მატერიალური და არამატერიალური კულტურის ძეგლების დაცვა და ახალი ფონდებით გამდიდრება.
მისამართი: ქ.სიღნაღი აღმაშენებლის ქ.#13
ტელ: 555107131
ელ.ფოსტა: maia.gelash@gmail.com
